ਪਰਥ ਵਿੱਚ ਡਰਾਈਵਰਾਂ ਵੱਲੋਂ ਰਾਊਂਡਅਬਾਊਟ ਦੇ ਬੁਨਿਆਦੀ ਨਿਯਮਾਂ ਨੂੰ ਅਣਡਿੱਠਾ ਕੀਤਾ ਜਾ ਰਿਹਾ ਹੈ, ਜਿਸ ਕਾਰਨ ਰੋਜ਼ਾਨਾ ਖਤਰਨਾਕ ਸਥਿਤੀਆਂ ਪੈਦਾ ਹੋ ਰਹੀਆਂ ਹਨ। ਉਲਝਣ, ਹਿਚਕਚਾਹਟ ਅਤੇ ਗਲਤ ਆਦਤਾਂ ਸਧਾਰਣ ਚੌਰਾਹਿਆਂ ਨੂੰ ਵੀ ਖਤਰੇ ਵਾਲੇ ਇਲਾਕਿਆਂ ‘ਚ ਬਦਲ ਰਹੀਆਂ ਹਨ।
ਹਾਲਾਂਕਿ WA ਦੇ Road Traffic Code 2000 ਅਧੀਨ ਨਿਯਮ ਬਿਲਕੁਲ ਸਪਸ਼ਟ ਹਨ, ਪਰ ਕਈ ਮੋਟਰਿਸਟ ਅਜੇ ਵੀ ਮੁੱਢਲੇ ਨਿਯਮਾਂ ਨੂੰ ਸਹੀ ਤਰੀਕੇ ਨਾਲ ਨਹੀਂ ਸਮਝ ਰਹੇ। ਇਸ ਕਾਰਨ ਸੜਕਾਂ ‘ਤੇ ਗੁੱਸਾ ਅਤੇ ਸੋਸ਼ਲ ਮੀਡੀਆ ‘ਤੇ ਵੀ ਨਾਰਾਜ਼ਗੀ ਵੱਧ ਰਹੀ ਹੈ।
👉 ਸਭ ਤੋਂ ਮੁੱਖ ਨਿਯਮ ਸਧਾਰਣ ਹੈ:
ਰਾਊਂਡਅਬਾਊਟ ਵਿੱਚ ਪਹਿਲਾਂ ਤੋਂ ਮੌਜੂਦ ਵਾਹਨ ਨੂੰ ਹੀ ਪਹਿਲ ਦਿੱਤੀ ਜਾਵੇ।
ਨਾ ਕਿ ਸੱਜੇ ਪਾਸੇ ਵਾਲੇ ਨੂੰ, ਨਾ ਹੀ ਤੇਜ਼ ਗੱਡੀ ਨੂੰ।
ਪਰ ਕਈ ਡਰਾਈਵਰ ਅਜੇ ਵੀ ਇਹ ਗੱਲ ਨਹੀਂ ਸਮਝ ਰਹੇ।
ਇੱਕ ਨਾਰਾਜ਼ ਯਾਤਰੀ ਨੇ ਲਿਖਿਆ,
“ਪਰਥ ਦੇ ਡਰਾਈਵਰ ਹਰ ਰਾਊਂਡਅਬਾਊਟ ਨੂੰ ਸਟਾਪ ਸਾਈਨ ਵਾਂਗ ਕਿਉਂ ਟ੍ਰੀਟ ਕਰਦੇ ਨੇ? ਜੇ ਰਾਹ ਖਾਲੀ ਹੈ ਤਾਂ ਚੱਲੋ।”
ਦੂਜੇ ਨੇ ਕਿਹਾ,
“ਅਜੇ ਵੀ ਲੋਕ ਸੋਚਦੇ ਨੇ ਕਿ ਸੱਜੇ ਪਾਸੇ ਵਾਲੇ ਨੂੰ ਪਹਿਲ ਦੇਣੀ ਹੈ। ਇਹ 1995 ਨਹੀਂ ਹੈ।”
ਇਹ ਹਾਲਾਤ ਸਿਰਫ਼ ਟ੍ਰੈਫਿਕ ਦੇ ਪ੍ਰਵਾਹ ਨੂੰ ਪ੍ਰਭਾਵਿਤ ਨਹੀਂ ਕਰ ਰਹੇ, ਸਗੋਂ ਹਾਦਸਿਆਂ ਦਾ ਖਤਰਾ ਵੀ ਵਧਾ ਰਹੇ ਹਨ।
