ਸਿਡਨੀ : ਆਸਟ੍ਰੇਲੀਆ ਦੇ ਨਿਊ ਸਾਊਥ ਵੇਲਜ਼ (ਐੱਨ. ਐੱਸ. ਡਬਲਿਊ.) ਸੂਬੇ ਵਿਚ ਸਿਹਤ ਅਥਾਰਟੀ ਨੇ ਦੇਸ਼ ਵਿਚ ਖਸਰੇ ਦਾ ਇਕ ਮਾਮਲਾ ਆਉਣ ਤੋਂ ਕੁਝ ਦਿਨ ਬਾਅਦ ਹੀ ਜਨਤਕ ਚਿਤਾਵਨੀ ਜਾਰੀ ਕੀਤੀ। NSW ਸਿਹਤ ਮੰਤਰਾਲੇ ਨੇ ਸਥਾਨਕ ਭਾਈਚਾਰਿਆਂ ਨੂੰ ਖਸਰੇ ਦੇ ਲੱਛਣਾਂ ਲਈ ਚੌਕਸ ਰਹਿਣ ਦੀ ਕੀਤੀ ਅਪੀਲ । ਮੰਤਰਾਲੇ ਨੇ ਕਿਹਾ ਕਿ ਸਿਡਨੀ ਵਿੱਚ ਖਸਰੇ ਦੀ ਲਾਗ ਦਾ ਇੱਕ ਨਵਾਂ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਨਾਲ ਸੰਕਰਮਿਤ ਵਿਅਕਤੀ ਕਈ ਥਾਵਾਂ ਦੀ ਯਾਤਰਾ ਕਰਨ ਤੋਂ ਬਾਅਦ 7 ਫਰਵਰੀ ਨੂੰ ਇੱਥੇ ਪਹੁੰਚਿਆ ਸੀ। ਦੱਖਣੀ ਪੂਰਬੀ ਸਿਡਨੀ ਸਥਾਨਕ ਸਿਹਤ ਜ਼ਿਲ੍ਹੇ ਦੇ ਪਬਲਿਕ ਹੈਲਥ ਦੇ ਡਾਇਰੈਕਟਰ ਵਿੱਕੀ ਸ਼ੇਪਾਰਡ ਨੇ ਕਿਹਾ,”ਖਸਰੇ ਦੇ ਲੱਛਣਾਂ ਵਿੱਚ ਬੁਖਾਰ, ਵਗਦਾ ਨੱਕ, ਅੱਖਾਂ ਵਿੱਚ ਦਰਦ ਅਤੇ ਖੰਘ ਸ਼ਾਮਲ ਹਨ, ਜਿਸ ਮਗਰੋਂ ਆਮ ਤੌਰ ‘ਤੇ ਤਿੰਨ ਜਾਂ ਚਾਰ ਦਿਨਾਂ ਬਾਅਦ ਲਾਲ, ਧੱਬੇਦਾਰ ਦਾਣੇ ਨਿਕਲਦੇ ਹਨ, ਜੋ ਸਿਰ ਤੋਂ ਬਾਕੀ ਸਰੀਰ ਤੱਕ ਫੈਲ ਜਾਂਦੇ ਹਨ।” ਸ਼ੇਪਾਰਡ ਨੇ ਕਿਹਾ ਕਿ ਲਾਗ ਦੇ ਸੱਤ ਤੋਂ 18 ਦਿਨਾਂ ਦੇ ਵਿਚਕਾਰ ਲੱਛਣ ਦਿਖਾਈ ਦੇ ਸਕਦੇ ਹਨ, ਇਸ ਲਈ ਲੋਕਾਂ ਲਈ ਐਕਸਪੋਜਰ ਬਾਰੇ ਸੁਚੇਤ ਰਹਿਣਾ ਮਹੱਤਵਪੂਰਨ ਹੈ। ਪਹਿਲਾਂ ਸਿਹਤ ਅਥਾਰਟੀ ਨੇ ਉੱਤਰੀ NSW ਦੇ ਵਸਨੀਕਾਂ ਨੂੰ ਖਸਰੇ ਨਾਲ ਸਬੰਧਤ ਲੱਛਣਾਂ ਲਈ ਆਪਣੇ ਆਪ ਦੀ ਨਿਗਰਾਨੀ ਕਰਨ ਲਈ ਕਿਹਾ ਹੈ
